Run, Leila, Run

By: Pureza Ramiro Pacis

 

Dear Tita Eza:

Ang magkapatid na Mommy at Auntie ko, and napangasawa nila ay magkapatid din. Si Mommy ko, nagtrabaho sa City Judge’s Office, si Auntie, sa Fiscal’s Office; sina Daddy at Uncle naman sa Provincial Forestry Office; South District kay Daddy; North kay Uncle. Pareho silang pogi; lady killers. Kung uulan na, sa bunk house na lang sila nagpupusoy, umiinom o nagfi-flirt sa girls.

Ang tatay nila (lolo ko) ay isang old-timer sa San Francisco na pinetition niya ang dalawang anak na lalaki. Married na noon si Uncle, kaya kasali si Auntie sa petition. Si Daddy ko naman ay naabutan ng patakaran na mahirap na kung married ang applicant, kaya sa petition niya ay Single siya. Sa akala niya nakakabuti, nag-secret marriage sila ni Mom kay City Judge. Hindi nga lang nila sinabi kay Judge na balak nilang pumunta ng States. Ngunit natuklasan din sa U.S, Consulate. Nakalusot si Dad pero on record di na niya madadala si Mommy kailanman sa U.S,. Sa birth certificate ko, naka-pirma si Dad na siyang nag-report sa City Registrar.

Singlehandedly, my Mom raised me, and I think she raised me well. Hindi lang ako scholar hanggang college, active pa sa extra- curricular activities sa choral group sa school, at sa church choir ng congregation. Kasama kasi namin sa bahay si Uncle Danny, sikat na radio/ recording star. Kaya puwede ako sa popular, jazz, classical and religious music.

Samantala, nang umuwi si Lolo sa ‘Pinas from SF for good, nakabukod na sina Uncle at Auntie sa Daly City; at ang Dad naman ay naging bachelor uli. Sa umpisa, okay pa naman ang lakad ng buhay niya; naka-pundar ng apartment sa Hale Street, with two bedrooms, and a basement.

Nangligaw siya sa isang Chinese mestiza, nag-live in sila, at nagkaroon ng dalawang anak. Sa paglipas ng panahon, nagkagulo-gulo ang buhay niya, dahil sa ABS – alak, babae, sugal. His son went into drugs, labas-pasok sa rehab; ang daughter naman into early marriage; Ang Mama nila ay lumayas at umuwi sa Chinatown, tapos sa Macau.

Samantalang ako, Tita Eza, alam ko, sinusubaybayan ako ng Diyos. Nagkaroon ang Choral Group ng trip to their main congregation sa California at isa ako sa napiling sumama, na ikinatutuwa ni Inay.(Sa pagka-walang bisa ng kasal nila ni Dad, after seven years, nakatagpo rin ng tapat na nagmamahal sa kanya.)

Sa pagkakataon kong ‘to , doble ang aking excitement: nakarating na ako sa ‘Merika; higit sa lahat, makikita ko na rin si Itay. Sa Daly City, kina Auntie at Uncle ako tumuloy muna, kasi daw walang mag-asikaso sa akin sa Hale St, kay Dad. Promise naman nila na next day ay pupuntahan namin siya upang yayain sa aking Concert.

Sa Hale St., what a reunion with Dad, kaya sabi nina Auntie at Uncle, iiwanan ako doon kahit isang araw lang, para sa lubos bonding naming mag-ama. Wala namang kasama si Dad sa second floor; bakante ang isang kwarto; may familiang nangungupahan sa basement.

Parang langit sa lupa, Tita Eza, nang nag-dinner kaming dalawa, kuwentuhan, kantahan with the karaoke, at paminsan-minsan pagbuklat ng mga album, na kinukuha niya sa kanyang kwarto.

Gabi na, inaaantok na ako, at sana bago mag-goodnight, pumsaok ako sa bathroom. Sumunod ba naman si Dad, at nagulat na lang ako ng niyakap ako ng hindi na yakap ng isang ama. Nagulat ako at nag-iba na ang tingin ko sa kanya, Tita Eza. Nang gusto niya akong halikan, sumigaw na ako at umiyak ng umiyak. Narinig ng mga boarders sa basement, umakyat sila at inalalayan ako at iniuwi ako kina Uncle at Auntie sa Daly City. (To be continued………) Gumagalang, Leila

——–

Dear Leila: Tama ang ginawa mo. Takbo, Leila, bilis, takbo! Dapat ang isang ama, aalagaan at hindi lalapastanganin ang anak.

Gusto ko lang i-share sa’yo ang nabasa ko tungkol sa rape, na buti na lang sa iyo hindi na-consummate. Ang rape daw is not only a matter of sex; it is basically a display of power.

Ang Daddy mo, nakita sa’yo ang Mommy mo– matatag – na kahit iniwan niya, di nagmamakaawa sa kanya for support. Siguro naakit sa ganda mo, sa husay, at talino mo, samantalang ang dalawa niyang anak sa Chinese ay, kung baga, hilaw, iyong isa nalubog sa masamang bisyo at ang isa naman, maagang nag-asawa?

I know how you feel, Leila. Betrayed, by the person you loved most. Dama ko pa sa poot mo ang sinabi mo sa kanya, “May your conscience bother you!” Nagmamahal, Tita Eza ———

Back in the Philippines, Pureza Ramiro Pacis used to be a social worker, high school teacher, elementary grades teacher, rolled into one. An ABSW ’61 graduate from U.P., she retired in 2005 as Assistant Regional Director of DSWD Region I, San Fernando, La Union m Vintar, Ilocos Norte, she has since been residing in Chicago with her husband, Nick, for ten years now.